Tuesday, April 21, 2009

" عند الأفق الأحمر البعيد "





دى قصيدة كتبتها زمان وحبيت انزلها كلاكيت تانى مرة

فى المدونة ..وكانت اول مرة انزلها كان فى احد المنتديات ..

وتم اقتباسها او بمعنى آخر سرقتها كتير .. كتير بشكل مخيف ..

ويمكن ده دليل على إن فيها حاجة .. او هما شايفينها كده.. اسيبكم معاها ..




.. عند الأفق الأحمر البعيد ..




عندما يصبح العشق جنون ..
والأمل جنون ..
والأمنيات جنون ..
عندما تموت البسمة فوق الشفاه
ويهرب من القلب زهر الحياه
ويغتال الحزن كل الأفراح ..
ويغدو الشوق انقاض جراح ..
عندما يضيع الغد من بين أصابعى ..
وتنهار كل الأحلام ..
فى أن تكـونى معى ..
ستبقى حبيبتى أمنية ..
انتظري ـ لقاءاً هنـاك ..
عند الأفق الأحمر البعيد
وقتها ..
سنُعيد قصة حبنا الجميلة
وقتها ..
ستذوب يدى فى يديكِ
وقتها ..
ستُقابل شفتاى شفتاكِ
فى قُبلة طويلة ..
سيكون لقاءنا جديد ..
عن كل لقاءٍ سابق
سنهزم أحزاننا القديمة
ونغتال بأيدينا الدموع
سيكون لقاءاً غارق..
فى البسمات ..
فى الأفراح ..
لقاءاً ليس كالذى كان فى الماضى
ستشهد عليه السماء
وتلفه أضواء الشموع
سنطرد شر طردة ..
الآم الماضى ..
وأحزان الماضى ..
وجراح الماضى ..
وسينبض قلبينا سعادة الرجوع
انتظرى ـ لقاءاً هنـاك ..
عند الأفق الأحمر البعيد
هناك .. سنُشيد دنيانا الجديدة
دنيانا .. أنتِ وأنا ..
دنيا لن يشاركنا فيها أحد
دنيانا للأبد ..
دنيا سمائها حب ..
وأرضها حب ..
ودفئ شمسها حب ..
يقتل أى برد
قطرات أمطارها والندى ..
لآلئ وحُلى تتزينين بها .
هكذا ـ دنيانا الجديدة
عندما يصبح العشق جنون
والأمل جنون ..
والأمنيات جنون ..
كل ما عليكِ حبيبتى ..
انتظرى .. لقاءاً هنـاك ..
عند الأفق الأحمر البعيد


************

Sunday, April 19, 2009

مساحـــــــــــــة للدهشة




تفرد صفحات الصحف اخبار عن ملايين الجنيهات يحصل عليها فرد واحد لم يقم بإكتشاف خطير فاد به العلم

والعالم .. ولا تراعى هذه الأخبار حرمة الفقراء الذين يعيشون على الكفاف والذين يطلقون عليهم دائما فى الإعلام "المهمشين" ، اليكم مساحة من هذه الأخبار التى اقل ما يقال عنها انا ( رزق الهبل ع المجانين ) ..
او دعونا نقول عنها " مساحة للدهشة "

=========================


عودة النجم العالمى سيد هشتكها الى الساحة الغنائية بعد غياب 3 سنوات بألبوم غنائى جديد يعد على حسب قوله انه مفاجأة من العيار الثقيل بما يحمل من موسيقى جديدة وافكار متطورة لم يسبق أن ظهرت قبل ذلك فى موسيقانا المصرية .. وكان النجم العالمى قد غاب عن الساحة الغنائية طيلة السنوات الثلاث الماضية بسبب رحلاته العلاجية الى اوربا على أثر الآم الغضروف الذى يعانى منه .. الجدير بالذكر أن آخر البومات النجم العالمى سيد هشتكها كان البوم ( ماتخوفنيش من حبك ) والذى صدر عام 2006 وحقق مبيعات ضخمة وصلت الى نصف مليون نسخة ، وقد رُشح وقتها عن هذا الألبوم لجائزة الميوزك اورد .. وجدير بالذكر ايضا ان غياب النجم العالمى طوال الفترة الماضية جعله يكثف من نشاطه الفنى حيث وقع بالأمس عقد فيلمه الجديد ( الأنثى والكتكوت ) والذى تقاضى عنه 4 مليون جنيه نظير القيام ببطولته للفيلم وهو من اخراج مخرج الروائع شامل البردانى ، وهناك مفاوضات حاليا بين مدينة الانتاج الاعلامى المتمثلة فى الشركة العربية للانتاج الإعلامى المتمثلة فى الشركة العربية للانتاج الاعلامى وبين نجمنا العالمى للقيام ببطولة مسلسل يُعرض فى رمضان القادم ، وفى حالة قبول النجم العالمى سيد هشتكها القيام ببطولة المسلسل سيتقاضى 10 مليون جنيه وهو الأجر الذى قرر نجمنا رفعه 3 مليون عن آخر مسلسل قام ببطولته ( حب من طرف خامس ) والذى تم عرضه منذ اربع سنوات ، وسيطير هذا الأسبوع نجمنا العالمى الى اوربا وامريكا لإحياء عدة حفلات هناك للترويج لألبومه الجديد مقابل مليون وستمائة الف دولار ..
واسرة الجريدة تتمنى النجاح والتوفيق للنجم العالمى سيد هشتكها فى رحلاته وفى البومه الجديد والمسلسل والفيلم ايضا .

Thursday, April 16, 2009

اسكتش فكاهى ـ(( 1))ـ




ايام فى الحرام

ـ" اسكتش فكاهى "ـ


( يجلس شريف وحبيبته مروة فى احد الكازينوهات المطلة على النيل ويبدو على وجهه علامات الحزن والصدمة بعد ما اخبرته مروة ان مهندس ناجح قد تقدم لخطبتها ووالدها والعائلة كلها تبارك هذه الخطبة وتوافق عليها بإصرار رهيب وهى اضعف من تقف امام ارادة الجميع )



شريف : حُبنا لازم يعيش يا مروة .. فهمانى .. لازم يعيش .. مش لازم اى حاجة تموته
مروة : ( تستفسر ) ازاى .. ؟؟
شريف : ( يمزح ) نديله حقنة فيتامين
مروة : ( تتظاهر بالقيام ) شكلك فايق وبتهزر وانا مش فايقالك اساسا
شريف : ( يشير لها بالجلوس ) لا فايق ولا حاجة اقعدى يا مروة ، هى بس الأفيه حكمت ، معلش خُلصنا م الهزار نخش فى الجد
مروة : ياريت لإن دماغى مش فايقة والنبى للهزار بتاعك ده
شريف : شوفى يامروه مادام هما مصممين على العريس ده ، احنا بقى نحطهم أمام الأمر الواقع
مروة : مش فاهمة
شريف : نضرب ورقتين عرفى
مروة : ( فى اندهاش ) نعم يا اخويا
شريف : بلاش دى ، نتجوز جواز الدم ، او نسجل جوازنا على شريط كاسيت وكل واحد فينا ياخد نسخة .. إيه رأيك يامعلمة عندك تلت اختيارات اهو .. انى خيرتك فإختارى
مروة : ( تنظر له دون ان تتكلم نظرة عميقة يشوبها الغيظ )
شريف : لو الإختيارات صعبه عليكى انا ممكن احذفلك اتنين ولا اقولك انا حاستعينلك بصديق
( يجذب شريف تليفونه المحمول ويتصل بأحد اصدقاءه )

شريف : الو ازيك ياوائل ، وحياة ابوك حسألك حاجة وتجاوبنى عليها بسرعة عشان الوقت
وائل : أأمر يا معلم
شريف : الأمر لله وحده ، شوف يا شقيق .. انا عرضت على مروة تلت حلول عشان نحط اهلها قدام الأمر الواقع ، اصلهم عايزين يجوزوها مهندس إتقدملها ، فأنا عرضت عليها نضرب ورقتين عرفى ياإما نتجوز جواز الدم ، ياإما نسجل جوازنا على شريط كاسيت ، وكل واحد فينا ياخد نسخة .. وهى شكلها محتار ، فقلنا نستعين بصديق بدل ما نحذف اختيارين .. إيه رأيك يا معلم
وائل : شوف يا زميل انا رأيى جواز الدم اجدع حاجة ، لاتقولى جواز عرفى ولا شريط كاسيت ماهو اصل ده دليل عليك وطوق فى رقبتك يا معلم لو حبيت تخلع .. لكن جواز الدم قشطة ومفيش دليل لو هفتك نفسك تديها استمارة "6"
شريف : عندك حق .. هو ده .. الف شكر يا معلم .. سى يو يامان
( ينهى شريف المكالمة ويتحدث لمروة )

شريف : ( فى فرح ) وائل إختار لنا الحل المثالى
مروة : إيه اللى جرالك ياشريف انتا بتخلى اصحابك يتدخلوا فى حياتنا ليه .. إيه اللى إنتا بتعلموا معايا ده
شريف : إسمعينى بس يا قطه ، وائل ده خبره اساسا فى الحياة .. هو اقترح لنا جواز الدم ، هو اللى ينفع فى حالتنا دى .. وائل ده بتاع الحلول المثالية صدقينى
مروة : انا مش فاهمة حاجة .. ويعنى ايه جواز الدم ده ..
شريف : يعنى شكة دبوس فى صباع إيدك الصغير ونفس الشكه فى صباع إيدى الصغير ونخلط الدم بتاعك مع الدم بتاعى مع شوية كلام يتقال يا معلمة وتبقى حلالى على سُنة الله ورسوله ..
مروة : فكرك كده
شريف : وابو كده كمان
مروة : بس انا عمرى ما سمعت عن حد عمل كده .. انا خايفه ياشريف من الموضوع ده ، ماتشوف حل تانى
شريف : اولا الدنيا كلها بتعمل كده .. ثانيا انا خايف اكتر منك .. لكن كل ده عشان حبنا يعيش .. اهم حاجة إن حبنا يعيش
مروة : يعنى حبنا يعيش وسمعتى تموت ياشريف
شريف : السمعة دى بتييجى فى ثانية وتروح فى ثانية يا حبيبتى اهم حاجة الحب .. هو اللى يعيش .. خدى عندك .. إيه اللى خلى قيس وليلى تعيش حكايتهم لحد دلوقت ، وعنتر وعبلة ، وعبد الحميد ونرجس ، إيه غير الحب .. وبعون الله حايقولو شريف ومروة بس انتى ما تأطعيش
مروة : خلاص .. اعمل اللى انتى شايفه صح .. انتا عارف انا قد ايه بحبك وبثق فيك ياشريف
شريف : ( يلقى لها بوسه فى الهوا ) قشطه .. هو ده يا معلمه
( يتزوج شريف ومروة جواز الدم وبعد أن يأخذ غرضه منها يتركها بعد اسبوع واحد للفضيحة )


(( ستار ))

**************************************************

Saturday, April 11, 2009

" امراءة بلا مبدأ "






امرأة بلا مبدأ . .



إن امرأة افتتحت بيتها للدعارة
واستقبلت فيه الرجال ..
واحتضنت في نهديها الرجال ..
واستضافت بين ساقيها الرجال ..
وأعلنت لكل الرجال ..
انها تفعل فِعل الدعارة ..
اشرف منكِ ..
الف الف مرة
اشرف منكِ ..
يا من تدعين الطهارة !!
وترتدين رداء المبادئ والحضارة
وأنتِ من باعت المبدأ بسيجارة
ومسئولية الكلمة بسيارة
أنتِ من فعلت العُهر ..
بمنتهى المهارة
وادعت البراءة ..
بمنتهى المهار ة
وصدقوها الناس ..
والف الف خسارة
امرأة انتِ بلا قيمة
امرأة انتِ بلا مبدأ
تتوارين خلف ستارة ..
وتفعلين العُهر والدعارة ..
ثم تدعين امام الناس الطهارة
فيا للحقارة !!
بكل المعايير انتِ عاهرة
إن من تبيع مبادئها ..
عاهــرة ..
ومن تستبيح مسئولية الكلمة لحساب مصالحها
عاهــرة ..
ومن تُبدل ارائها من أجل رصيد فى البنك
عاهــرة ..
ومن تُمثل امام الناس ..
أنها قديسة ..
أنها طاهرة ..
عاهــرة .. عاهــرة .. عاهــرة ..
أنتِ امرأة كسرها ..
أسهل مافى الإمكان ..
واكتشافها آتٍ لامحال ..
ربما نُخدع فيكِ ..
يوما ويومين ..
عاما وعامين ..
ربما نُعجب فيكِ ..
وقتا من الزمان
ونُسلم لأكاذيبك بحرارة ..
ونؤمن بها بحرارة ..
ولكن اطمئنى ..
سينقضى اليوم واليومين ..
والعام والعامين ..
وستزول الشرارة ..
وتأتى البشارة
حتى يعرف الناس بعدها ..
من أنتِ ..؟
يا من تدعين الطهارة ..
امرأة بلا مبدأ