زى البنات .....اكتشفت ..
أنى مش زى البنات
عمرى ماكان عندى حكايات
ولا كان لى زكريات ..
فى حب عدى وجوه القلب مات
فى حلم مر فى خيالى وفات
اكتشفت ..
أنى مش زى البنات
عمرى ما إدلعت يوم
عمرى كله شايله فى هموم..
وإن قلبى الصغير عمره ماكان بيحلم
بأمير ياخدنى وياه ..
على حصانه الأبيض وهواه ..
ليه مايبقاش له حد
هو أنا ماكنتش بنت
زى أى بنت من البنات
بتحب الحياة ..
وبتعشق الحاجات ..
اكتشفت
أنى عمرى ما فرحت
مره واحده ياقلبى والله ..
مافرحت
وإن قلبى مظلوم معايا
ذنبه ايه فى الوحدة ديه
غير نصيبه يكون ليا
يكون فيا ..
اكتشفت
إن عمرى عشته سراب ..
إتمنيت على قدى جنة صغيره
مالقيتش قدامى غير عذاب
واللى راح م العمر مش راجع
حتى اللى جاى شكله ضايع
اكتشفت ..
إن السنين سكه سد
بينى وبين الدنيا حد ..
حد فاصل ..
وانا من كل قلبى نفسى اواصل ..
الحياة بجد
وابقى زى اى بنت
اكتشفت ..
بس بعد ايه اكتشفت
( تمت )
7 comments:
رائع
والله كلمات رائعة جدا جدا
والتجربة دى دلوقتى بيعانى منها اطفال كتير قوى
وخصوصا اطفال الشوارع
فى اطفال كتير مش بيعيشوا سنهم
وبيبقى كل اللى يتمنوه فى الدنيا انهم يعيشوا سنهم
بجد
التجربة اللى اتكلمت عنها تجربة فعلا قاسية جدا
على اى طفل او طفلة
اهلين ندا : في بنات وناس كتير عموما اتحرمو من الحياة موجدين فيها لكن مش عايشين ومحدش بيسأل فيهم مع ان لو اتوفر ليهم اجواء طبيعية بيكونو مبدعين مثلا اقري قصةحياة ليوناردو دافنشي صاحب الموناليزا
استاذ/ احمد على نصار
بعد تقديم واجب الاحترام
اسمح لى ، التشاؤم مرفوض ( انا لست متشائما )
الامل ، بارقة امل ، من اين ؟
الم يقل السيد رئيس الجمهورية انه لو وجد من يصلح لترك له الحكم ( ام نسينا كعادتنا واللى فات مات ) ، اذن لم تعد مصر ولاده ، اين الامل ؟
التليفزيون عرض السيد جمال مبارك يوزع شقق مع خلفية زغاريتية وابتهال ربنا يخليك ياريس
هل هو ابن الملك ؟ لا فمصر جمهورية على حد علمى
هل هو نائب الرئيس ؟ لا ليس فى مصر من يصلح من حيث المبدا
هل هو رئيس الوزراء او حتى وزير الاسكان ؟ لا
هل هو بناها من ماله ؟ لا
اذن مارس حقا ليس من حقة ، ولكنها سفاهة اعلامية ، اعطت من لايستحق حق توزيع ما لا يملك ، اين الامل ؟
اخى وتفضلت بالقول ( ولماذا لا نتخيلها اجمل ولو بقصيدة شعر .) ، ولا بقصيدة لان تخيل الصور مخالفة للواقع ضرب من الهزيان للسكارى والمساطيل ، وكلنا اعلى من ذلك وارفع
--------------------------------------------
تقبل شكرى وامتنانى لشخصك الكريم
لاتحرمنى الزيارة والتوجيه
بجد عجبتنى اوى
طبعا مع مراعاه مشاعرك واسباب كتابتك للقصيده
بس لو حاسس ان اللى فات ضاع حاول تستغل اللى جاى ومتضيعوش كمان
سلام
فى حب عدى وجوه القلب مات
فى حلم مر فى خيالى وفات
---------
كتشفت ..
إن السنين سكه سد
بينى وبين الدنيا حد ..
حد فاصل ..
وانا من كل قلبى نفسى اواصل ..
الحياة بجد
وابقى زى اى بنت
اكتشفت ..
بس بعد ايه اكتشفت
----------
كلمات مااقساها
صعبه اوي لكن معبره
تحياتي
كيارا
الاخوة الاعزاء
السلام عليكم ورحمة الله
بناء على رغبة الكثير من الاصدقاء المدونين ، وفى مقدمتهم الاخ الدكتور توكل مسعود ، فى تغير اصم مدونتى من ( المدهول ) الى اسم اخر يليق بمحتوى المدونة ، وانطلاقا من طبيعتة الغيورة على اصدقائه ، ومن الاسماء المعروضة ( كرباج سودانى ) وقد وقع عليه اختياؤى ، وصار هذا اسم المدونة الجديد
لااختلاف فىالمحتوى ولا تغير فى موعد كل جديد وهو يوم الثلاثاء
لكم كل الحب والاحترام
دايما الواحد بيكتشف حاجات بعد ماالوقت يعدى ويفوت
و يقول ياريت
لكن لازم نكون عندنا ثقه ان ربنا اكيد شايل لنا الاحسن
Post a Comment