كان جبل وإتهد

. . كان جبل وإتهد

إنحنى راس الولد

كان حقيقى إبن بلد

.. كان جدع

.. ما كان خرع

.. ولا عمره يوم

للبهتان خضع

كان جبل وإتهد

إنحنى راس الولد

.. عاش سنين زى الجمل

.. إحتمل

فوق طاقته طاقة كل البشر

لكن الجمل جاله يوم وبرك

.. مع إنه كان على وشك

.. يهد قلب الظلم

.. بإيد زى الحديد

.. ويستعيد

أمجاد وكانت من زمن

بس الزمن قلاب

. . وخاب

.. من ظن إنه حايفضل على حاله

للأبد

إنحنى راس الولد

الضرب جاله من كل إتجاه

وياعينى على الولد يا ولداه

. . لو صد نحيه

. . النحيه التانيه تلقاه

. . وكان فى صده واحد وحيد

.. كان صحيح

. . جدع ماكان خرع

وكان شجاع

. . بس وحيد

. . والحلم ضاع

قصاد العدد

إنحنى راس الولد